Ата-аналар форумы жоғары деңгейде өтті. Іс-шараның басты мақсаты – отбасы мен мектеп арасындағы серіктестікті нығайту, балалардың табысты болашағы үшін заңға құрмет, мәдени құндылықтарды дәріптеу және тәрбиелік жұмыстардың бірлігін қамтамасыз ету арқылы қауіпсіз әрі қолдаушы орта қалыптастыру болды.
Форум барысында бала тәрбиесіндегі өзекті мәселелер кеңінен талқыланып, ата-ана мен мектептің өзара байланысын арттыру жолдары қарастырылды. Қатысушылар өз пікірлерімен бөлісіп, тәжірибе алмасты.
Аталған шараға ата-аналар қауымы, ұстаздар, мектеп әкімшілігі, психолог, ауыл фельдшері Қ.М.Бапышева, сондай-ақ Баянауыл ауданы Төтенше жағдай бөлімі 20 өрт сөндіру бөлімінің бөлімше командирі Н.О.Жанайдаров және өрт сөндіруші М.Қ.Нығмет, Баянауыл ауданының ПБ ӘПБ аға инспектор лейтенант И.Т.Каленов, аға лейтенант Ж.Ж.Манаш өкілдері қатысып, өз салалары бойынша маңызды ақпараттар мен пайдалы кеңестер ұсынды.
Форум қорытындысында бала тәрбиесінде бірлескен жұмыстың маңыздылығы атап өтіліп, алдағы уақытта да осындай мазмұнды кездесулерді жиі ұйымдастыру қажеттігі айтылды.
#Заңжәнетәртіпpvl
#Законипорядокpvl
https://www.instagram.com/reel/DXrKx1dCDGg/?igsh=MWdyYTJxY3phdTEwdQ==
